Ééég'rað baaaka, baka í form!

Í nokkrar beyglaðar dollur og hræri í með stífum gorm!

 

 

Úti er rok og rigning ... varla hundi útsigandi

 

...en það er allt í lagi því að í dag á ég afmæli, ég ætla bara að ímynda mér að ég sé önd og þá finnst mér þetta veður stórkostlega æðislegt :D

 

Það er alveg ótrúlega gaman að eiga afmæli, ég er búin að fá fullt af afmælissöngvum, kveðjum og knúsum, sms-um og símtölum sem byrjaði strax um áttaleytið í morgun! Svo á ég svo fékk ég köku og kanillengju líka :D 

 

Ég byrjaði daginn á að fara í bootcamp í morgun eftir að hafa átt í hörku sannfæringarrökræðum við sjálfa mig undir sæng (og reyndar alla leið útí bíl) um að ég þyrfti ekki að mæta þar sem ég ætti afmæli í dag!! en náði að lokum að telja mér trú um að ég yrði svo ógurlega svakalega hress eftir 200 armbeygjur og 150 sittups að ég mætti í tímann!! Svo gaf ég vinnufélugunum beyglur og hummus og súkkulaðikex (og smá af kökunni og kanellengjunni) í kaffinu og þau sungu fyrir mig í staðinn :D 

 

Núna ætla ég út í góða veðrið, kannski að kaupa mér púða í nýju sófana mína, koma sjónvarpssófanum fyrir niðri og kannski tengja video-ið og playstation tölvuna ... verður mest fínt :D Verst að stofuskápurinn og sófaborðið sem ég ætla að kaupa er ekki til í ikea og kemur ekki fyrr en eftir 4 - 6 vikur :( en well ... tíminn líður hratt á gervihnattaröld! 

Svo ætla ég að fara á fund hjá alltmuglighed nefndinni á föstudagskvöldið - ansi fróðlegt, tískusýningu hjá tilvonandi mágkonu minni á laugardagskvöldið og kökuboð á sunnudaginn (á enn samt eftir að velja mér afmælis-diska-og-glasa-þema ... þarf greinilega að hugleiða það eitthvað í snarhasti!! ... og að vísu ákveða hvaða kökur ég ætla að baka - en hef nú minni áhyggjur af því)

 

en well garagó

 

Hafi þið það öll yndislega rosalega gott í dag!

 

Knús og kreyst!

Elsa Særún önd

 

Ég fór í bíó um daginn. Það er nú varla frásögufærandi svona eitt og sér nema það að þar fékk ég áfall! Þar var því skellt framaní mig eins og heilum bala af ísköldu vatni með klökum og alles að það væri hætt að framleiða GULAN STRUMPAÓPALl!!!

*grát**snöggt**hnussfusss*argGARG*

Hver leyfði það? Hvenær og Af hverju í veröldinni?! Gátu þeir ekki bara hætt að framleiða hjúplakkrís eða eitthvað ... mér finnst það hvort eð er ekkert gott! Fyrst var það blár Hubba bubba, svo blár ópal og núna gulur strumpaópal! Hvað næst?

 

Mér finnst þetta rakið svindl!

 

Ég keypti mér þá bara topp og popp ... næst verður örugglega ekkert popp í bíó!

 

Á þessum degi fyrir 23 árum fór ég - þá rétt að verða fjögurra ára gömul í Blómaval. Þar keypti ég tvo ótrúlega flotta Flinstones leikfangabíla. Annar bíllinn var að handa mér en hinn handa nýfæddum bróðir mínum - loksins fékk ég einhvern til að leika við! Það er skemmst frá því að segja að ég lék mér ein að báðum bílunum í all nokkur ár :(

 

Bróðir minn frábær - næstum því jafn frábær og ég! Hann er oftast yfirmáta rólegur, þægilegur, krúttlegur og sætur og með einstaklega skemmtilegan öfugsnúinn húmor.

 

Þessi litli bróðir minn - sem er reyndar ekkert lítill lengur - var orðinn hærri en ég um fermingu - á 23 ára afmæli í dag!

 

Til hamingju með daginn gamli minn!

 

 

 

Heyrðu þið fréttirnar í gær?

 

 

 

I.
Urð og grjót.
Upp í mót.
Ekkert nema urð og grjót.
Klífa skriður.
Skríða kletta.
Velta niður.
Vera að detta.
Hrufla sig á hverjum steini.
Halda, að sárið nái beini.
Finna, hvernig hjartað berst,
holdið merst
og tungan skerst.
Ráma allt í einu í Drottin:
,,Elsku Drottinn,
núna var ég nærri dottinn!
Þér ég lofa því að fara
þvílíkt aldrei framar, bara
ef þú heldur í mig núna!''
Öðlast lítinn styrk við trúna.
Vera að missa vit og ráð,
þegar hæsta hjalla er náð.

II.
Hreykja sér á hæsta steininn.
Hvíla beinin.
Ná í sína nestistösku.
Nafn sitt leggja í tóma flösku.
Standa upp og rápa.
Glápa.
Rifja upp
og reyna að muna
fjallanöfnin:
náttúruna.
Leita og finna
eitt og eitt.
Landslag yrði
lítils virði,
ef það héti ekki neitt.

III.
Verða kalt, er kvöldar að.
halda seint og hægt af stað.
Mjakast eftir mosatónum.
Missa hælinn undan skónum.
Finna sig öllu taki tapa:
Hrapa!
Velta eftir urð og grjóti
aftur á bak og niðr í móti.
Leggjast flatur.
Líta við.
Horfa beint í hyldýpið.
Hugsa sér,
að höndin sleppi.
Hugsa sér,
að steinninn skreppi.
Vita urðir við sér taka.
Heyra í sínum beinum braka.
Deyja, áður en dagur rynni.
Finnast ekki einu sinni.

IV.
Koma heim og heita því
að leggja aldrei upp á ný.
Dreyma margar næstu nætur
hrap í björgum, brotna fætur.
Segja löngu seinna frá því
,,Sjáið tindinn, þarna fór ég!
Fjöllunum ungur eiða sór ég,
enda gat ei farið hjá því,
að ég kæmist upp á tindinn.
Leiðin er að vísu varla
vogandi nema hraustum taugum,
en mér fannst bara
bezt að fara
beint af augum,
því hversu mjög sem mönnum finnast
fjöllin há, ber hins að minnast,
sem vitur maður mælti forðum
og mótaði í þessum orðum,
að eiginlega er ekkert bratt,
aðeins mismunandi flatt.

Tómas Guðmundsson

 

Ég held að Tómas hafi verið að klöngrast upp Smjörhnjúk þegar hann samdi þetta ljóð. Svona leið mér nákvæmlega um helgina!!

 

 

 

 

Ég ætla að fara á tónleika í kvöld ....

We're back at Hornid, along with the Jazz, Blues and the crazy fun! Please join us on Thursday night, September 21 starting at 9 pm and going until 11:30 pm at Hornid Restaurant (in the basement) for some singin', dancin' and foot-tapping'. The cost is 500 kronur and you can order drinks and food from the restaurant/bar. This cd-making is costly business and all the money we receive at our next few concerts will go towards making our album, so please bring lots of friends with you so you can help us on our way.

Seth Sharp

 

Jæja þá er byggingarvinna helgarinnar afstaðin - þið getið séð myndir hér til að sjá hvernig gekk og hvað það er fallegt fólk með mér í flugbjörgunarsveitinni!!

Þetta var alveg frábær ferð. Við fengum yndislegt veður á laugardeginum og það er fátt æðislegra en að vera einhversstaðar uppá fjöllum í góðu veðri! Það var að vísu hífandi-rok á sunnudeginum en þó þurrt.

Ég negldi semsé huge-fullt-ofur marga nagla niður, sagaði helling, mældi og merkti! tMér tókst að lemja aðeins einu sinni á þumalputtann á mér (og svo að vísu einu sinni á alla hendina) en það var nú ekkert miðað við fjöldann af nöglum sem ég kom niður! Svo voru aðrir sem börðu mun reglulegar á puttana á sér en ég!

 

 

 

Farin uppí Tindfjöll að byggja skála ... kreisí stuð! Gangið hægt um gleðinnar dyr börnin góð .... seja senere!

 

Við byggjum okkur hús  við byggjum okkur hús ....

 

 

 

 

Í dag á Særún María afmæli!!

 

Særún er skondin skrúfa sem sífellt gerir sitt besta í að koma vitinu fyrir okkur vinkonurnar. Að undanförnu hefur hún með mikilli þolinmæði rætt um mikilvægi þess að nota  dagkrem, næturkrem OG augnkrem daglega, ganga í samstæðum nærfötum, fara í fótabað, nota maska, skúra gólfin og haga sér almennt ekki alltaf eins og asnar.

 

Í tilefni dagsing ætlum við að vera í viðbragðsstöðu í næstu 24 tímana að stökkva á stað ef hún ákveður að sig langi nú að gera eitthvað skemmtilegt í okkar félagsskap :D

 

Ó hvað það verður gott í þar næstu viku að geta farið að sofa fyrir miðnætti ... þetta tekur svakalega á að reyna að gera eitthvað af viti svona svakalega syfjaður :|

 

 

 

...þessi óþægilega ógnvægilega lykt sem allaf einkennir þessa staði!

...Séð og Heyrt í stöflum ... vissi ekki að þessi hefðu verið saman, hvað þá þau væru hætt saman!

...hljóðin  - íáæó ... fæ sting í kjálkana!

...fullt af allakonar græjum sem mig langar ekki að vita til hvers eru!

...úber-crazy-lampi ... hummm er ekki viss að við eigum þessar perur í Glóey!

...8 ljós með 4 18w flúrosentperur í loftinu .... sennilega litur 33 ... 22W startarar

...2 sprungnar perur - af hverju í veröldinni er ekki skipt um perur á svona stöðum þar sem maður liggur allan tímann og glápir uppí loftið???

...drrrrrrrrrr dssssssssssss ... sortnar næstum fyrir augun við minnstu tilfinningu sem fylgir þessu hræðilega hljóði :|

...yfirmáta ógeðslegt bragð af allskonar einhverjum efnum sem lenda á tungunni á manni!

...get ekki hætt að hreyfa tærnar

...búin að trakka allt útlits-ósamræmi í tölvukerfinu hjá þeim!

...umræður um sykur, hrásykur eða hunang í sultugerð

...hálf lamað andlit og slef sökum deyfingar!

 

...aha ójá ég fór til TANNLÆKNIS í dag

...og mér er MEINILLA við tannlækna og tannlæknastofur!

 

...og er nítjánþúsund krónum fátækari

 

...OG þarf að koma þarna aftur

 

...óóææ aumingja ég...

 

Glúps gleymdi því að ég ætlaði að mæta í vinnuna kl 7.30 í morgun til að fara í jóga með vinnufélögunm :| Rosalega var ég bjartsýn á föstudaginn að hald að ég gæti munað svona nokkuð yfir heila helgi! Set reminder fyrir næsta tíma.

 

Annars málaði ég 500 fermetra í góða veðrinu í gær! geri aðrir betur.

 

 

 

Ýkt dugleg ... búin að setja inn ítalíumyndir :)

Djí hvað tíminn líður hratt :| en það er nú bara gaman þegar það er aftur kominn föstudagur!! Við fengum mest gott föstudagskaffi í vinnunni og ég er á mörkunum að læðast heim að leggja mig eftir matinn .... mmmmmm hvað það væri nú næs.

 

Annars er það helst í frétum að ég að fara á tónleika að hlusta Pétur Ben i kvöld ... http://www.visir.is/apps/pbcs.dll/article?AID=/20060824/LIFID01/108240024/1120 og svo þarf ég að mála þakið á húsinu mínu um helgina! Ef einhver hefur óstjórnlega löngun til að koma og príla uppá þaki og mála með mér þá eru þið hjartanlega velkomin :D

 

Læt hér fylgja með í tilefni helgarinnar smá sýnikennslu hvernig konum ber að haga sér samkvæmum ... svo þið verðið ykkur nú ekki til skammar greyin mín. http://www.kleppur.is/Linkur.aspx?id=396&MainCat=-2

 

Tjá

 

...eru yndislega frábærir!!

 

Það er svo gaman að komast í helgarfrí :D (allt frí er sérlega gleðileg þegar maður er nýbúinn með sumarfríið sitt :|)

 

Svo á morgun er SUMARFERÐ í vinnunni .. sem sýnir sko aldeilis fram á það að sumarið er nú ekki alveg búið enn! Ég ætla sko að týna til allt það sumarlegasta sem ég á og klæðast og taka með í þessa ferð, það er nú ekki á hverjum degi sem maður fer í sumarferð!

• Yndislega fallegt og skemmtilegt land.
• söng með kórnum í messu í dómkirkjunni í Massa. Æðislegt
• lá á ströndinni. mmmm very nice-os
• borðaði besta ís í heimi! Hefði aldrei trúað því að það væri til svona góður ís!
• mmmmmmm fékk ótrúlega góðan mat, pizzur, skinku, pasta ofl
• fór til Bolonga og söng þar í jazzklúbb fyrir utan bæinn. Himneskur staður - http://www.locandacinquecerri.com/
• það kúkaði á mig fugl :|
• fór í siglingu og skoðaði Cinque Terre. vá vá vá hvað það var gaman :D
• hitti fullt af köttum í og ekta mafíósa Cinque Terre :D
• fékk vott af barkabólgu og kom varla upp orði :|
• drakk bunch af allskonar kokteilum :)

Barcelona 24.júní - 4.júlí...

• hitti Helgu svo loksins í Barcelona eftir mikið flugvallar Milano - Barcelona drama :|
• sá allskonar mest krúttleg dýr á römblunni, reyndi í viku að hugsa út bestu leiðina að smygla heim pínu-pons mest sætri skjaldböku!
• skoðaði Joan Miro og Picasso safni :D Mjög athyglisvert
• fór í dýragarðinn og sá allskonar dýr, ótrúlega gaman - samt frekar skrítið að sjá afríkudýrin mín lokuð inní hólfum með girðingu og fór næstum að skæla þegar ég sá górillurnar í aðlöguninni - þær voru mest sorgmæddar í heimi :|
• skoðaði dómkirkjuna og gaudi kirkjuna :D
• fór í Park-Güell. Gaudi er hreint strórkostlegur listamaður!
• drakk sangríu ... og smá kokteila :Þ
• borðaði tapas og pantaði mér rétti á spænsku sem ég vissi ekkert hvað var...
• fór á ströndina í Sitges og kom heim eins og tómatur :S
• skemmti mér konunglega og kom alsæl heim ... í rigninguna :)

Kristiansand Noregur 4. - 10. ágúst

• fór og heimsótti siren piren og fjöskyldu til Noregs :)
• afslöppun, miðbæjarrölt, búðarráp og lestur
• skoðaði leikskóla í noregi í þaula, er ekkert of sátt við gamla leikskólann minn eftir þær skoðunarferðir!
• hitti sögu og freyju og eddu ... mestu krútt í heimi!
• drakk ópalskot og hot-shots með Siren
• fór út að skemmta mér á norksan úti-disco-skemmtistað! ... og það var ekki vottur af reykingastybbu í fötunum mínum daginn eftir!! Vá hvað það var kúl!
• keypti mér norska phrase-book og eignaðist fullt af norskum vinum!
• fór í huge-dótabúð :D
• kom heim alsæl að lokinni sólskinsferð ... í rigninguna :)

Svo er ég nú líka búin að vera heima og ...

• fara austur í sveitina og hitta litlu lömbin mín :D
• labba Leggjarbrjót með Lindu, mömmu og Káti
• labba uppá Ljósufjöll á Snæfellsnesi með Lindu og bivaka!
• fara í road-trip uppá Akranes á Papa-ball en enda svo í útilegu í 101 Reykjavík
• taka þátt í menningarnótt og gay-pride
• þramma uppá Esjuna með Veigu
• og allskonar skemmtileg :D

Húffumpúff ... þá get ég nú aldeilis farið að hlaða inn myndum. Byrja á menningarnótt þar sem það er næst mér tímalega séð, þarf svo að drífa mig í háttinn svo ég geti vaknað kl 2 og horft á Magna!!

 Meiri snjó meiri snjó meiri snjó 

 

Það er mikið á sig lagt! Síðasta föstudag lögðum ég, Veiga og Haukur land undir fót og æddum norður á Akureyri til að komast í innflutningspartý sem okkur var boðið í.

 

Veðrið hefði mátt vera betra þar sem við lentum í blindbil á leiðinni norður og snjókrapi á leiðinni suður aftur en þetta hafðist nú allt að lokum!

Á Akureyri var allt á kafi í snjó - voða fallegt .. en kalt og blautt í fæturnar

 

Partýið heppnaðist með eindæmum vel - þá aðallega sökum þess hvað ég, veiga og haukur erum ótrúlega skemmtileg! Við fengum aldeilis fína bollu - tókum fullt af myndum (þó sumir hafi fengið ööörlítið fleiri myndir af sér en hinir), rústuðum einu sturtuhengi ... sem og einu nagladekki og að lokum sló Veiga í gegn sem tónlistarmaður ársins

 

Svo heimsótti ég Þorberg, Arnheiði og Þórunni sem voru búin að standa sveitt í bakstri alla vikuna við að undirbúa komu mína ... haldiði að það sé lúxus   Þau voru öll voða kát en því miður gleymdi ég myndavélinni svo þið fáið engar myndir af þeim  ... ég lofa að klikka ekki á því næst!

 

 

Haldiði að þetta hafi ekki hafist!! Váááá hvað ég tók hrikalega mikið af myndum - bara svo þið fáið einhverja hugmynd þá er ekki nema brot hér inn!

 

Endilega látið mig vita ef þið sjáið innsláttar/stafsetninga/staðreynda villur, var orðin ansi búin á því!

 

Allir að skoða :D

 

...og svo drífa sig allir til Afríku því það er bara snilld :D

 

seja